DAVAO CITY – Giundang una sa syudad sa dabaw ang pagpasakay og mga pasahero sa mga bus sa tanang bus stops. Bugtong sa Davao City Overland Transport Terminal lamang makasakay ang mga pasahero.
Tumong niini, aron masiguro ang kaluwansan sa tanan nunot sa nahitabong sunod-sunod nga pagbusikad sa Koronadal ug Tacurong City sa milabayng mga adlaw. Nagpadayon gihapon ang hugot nga inspeksyon sa mga sakyanan nga musulod sa dakbayan sa Davao lakip na ang pahinante ingon man sa uban nga area sa dakbayan nga adunay gimuntar nga mga checkpoint nga dunay mga himan sama sa x-ray scanner.
Samtang aduna sab gipakatag nga mobile, foot, ug motorcyce patrol sa sentrong bahin ug uban pang dapit sa dakbayan aron lang masiguro ang kaluwasan sa tanang katawhan, samtang ginamonitr sa TF Davao ang kalumbuan o unsa unsa mang panghitabo sa Central Mindanao sa pakig-alayon sa intel communities.
Samtang, hugot gipakatag karon ang mga security guards, K9 handlers, kapulisan ug kasundaluhan nga nakadeploy sa DCOTT ug hugot nga inspeksyon sa mga bagahe sa pasahero sa DCOTT.
Giawhag usab ni DCOTT Manager Aisa Usop ang mga pasahero nga mudiritso na sa Davao City Overland Transport Terminal sa may Ecoland aron didtoa na lamang musakay og bus.
