DAVAO CITY – Wala sumala pay nakita nga sayop ang ahensiya sa Commission on elections (Comelec) sa nahimong pahayag ni presumptive vice-president Sara Duterte nga mas sayo niini nga ipahigayon ang pagpanumpa nga sukwahi sa mga naandan sa mga midaug sa mas taas nga posisyon.
Sumala pa kang Commission on Elections (Comelec) Commissioner George Erwin Garcia bisan nga nakalatid sa balaud nga mulingkod ang pangulo ug bise sa presidente sa Hunyo 30 sa alas dose uno sa udto, wala sumala pa nakalatid dinhi nga ginadili ang pagpanumpa ug sayo o kung asa nga lugar kini kinahanglan nga ipahigayon.
Gani aduna na matud pay mga kanhi Pangulo sa nasud nga nanumpa sa katungdanan pipila ka minuto ang nahibilin ayha ang pormal nga assumption of office.
Gani mamahimo sab nga himuon sa mga lokal nga kandidato ang susama usab nga lakang.
Wala sab sumala pay miduso ug reklamo batok sa presumptive vice-president ngadto sa COMELEC kalabot sa iyang plano.
Una ng gibutyag ni Mayor Inday nga buot niyang dinhi sa dakbayan ipahigayon ang iyang pagpanumpa arun nga daghanang mga dabawenyos ang makasaksi.
