DAVAO CITY – Gibutyag ni Atty. Gay Enumerables, assistant regional director sa Commission on Elections 11 (Comelec 11), nga adunay usa ka polling precinct dinhi sa dakbayan sa Davao ang aksidente nga napapas ang data sa SD card sa Voting Counting Machine (VCM) alang sa transmission.
Wala na gibutyag sa nahisgutan ang dugang detalye kalabot sa nahisgutan nga polling precinct apan gipasalig niini nga ang back-up sa deleted data ang mamahimo pa n ga magamit alang sa manual transmission.
Una niini, nakadawat sab ang Comelec 11 ug isyu sa paggamit ug VCMs atol sa election day diin kalakip niini ang paper jams, rejected ballots, ug vote-counting machines nga wala nag-print ug tarung.
Gipasalig niini nga dili makaapekto ang nahisgutan nga isyu sa gipahigayon nga eleksiyon gumikan kay ang Comelec 11 aduna sumala pay contingency VCMs.
Samtang gipahibalo ni Enumerables nga tanan nga mga precincts sa dakbayan sa Davao ang naka-transmit na ug 100 percent sa electoral returns.
