DAVAO CITY – Laraw karun sa Sports Development Division sa Davao City Mayor’s Office (SDD-CMO) nga magbansay ug anaa sa 300 sports coordinators nga modumala sa Dabawenyo student-athletes kini ilalom sa Balik Aktibo Dabawenyo program sa lokal nga kagamhanan.
Sumala pa kang SDD-CMO head Mikey Aportadera nga target sa Balik Aktibo Program nga bansayon ang 300 ngadto na sa 400 sports coordinators gikan sa Department of Education (DepEd)-Davao City Division arun nga tudloan ang mga nahisgutan kung paunsa sab ang tukma nga pagbansay ngadto sa mga estudyante nga atleta ilabi na kung hisgutan ang kinatibuk-ang sports wellness.
Gitataw sab ni Aportadera nga ang nahisgutan nga training himuon pinaagi sa tulo ka mga modules alang sa inisyal nga pagpatuman dayon i-introduce gilayon ang dugang pa nga modules ngadto sa sports coordinators sa higayon nga musaka ang panginahanglanon.
Gikanayong halos tanan nga mga sports coordinators gikan sa DepEd-Davao City Division Schools ang adunay oportunidad nga makakat-on ug mabansay.
Sa kasamtangan nakatutok una sila sa mga student-athletes sa elementary grade levels dayoin hinay-hinay sila nga muadto sa mga high school student-athletes.
Nagtoo ang nahisgutan nga ang Balik Aktibo Dabawenyo program makabenepisyol sa gatusan ka mga student-athletes dinhi sa dakbayan sa Davao ilabi na kung musalmot sila sa local ug national sports tournaments sa umaabot nga panahon.
Laraw sab sa SDD-CMO nga ilusad ang maong programa sulod karung tuiga aron nga daghanang mga atleta nga estudyante ang makapahimulos niini.
