DAVAO CITY – Human nga mas gipalu-agan na ang mga restrictions sa Covid-19 cases sa Davao region, gikanayon sa Department of Labor and Employment (DOLE)-Davao nga nangandam sila karun sa pagpahigayon ug 2022 Labor Day Trabaho, Negosyo, Kabuhayan (TNK) Job and Business Fair uban ang tagline “Jobs 2022: Create, Sustain, Transform” pinaagi sa hybrid approach karung Mayo , 2022.
Sa nahisgutang hybrid activity, ang pre-registration, screening, ug job matching stages ang ipahigayon sa Abril 25-29, 2022, samtang ang final interview stage himuon na nga face-to-face sa mismong adlaw sa Labor day sa NCCC Mall, Buhangin, ning siyudad.
Nahimong kaabag sa 2022 Labor Day TNK Job and Business Fair, ang Department of Trade and Industry-Davao (DTI), Public Employment Service Office-Davao City (Peso-Davao City), City Government of Davao, ug pribadong sektor diin anaa sa 49 employers sa Davao Region ang mutanyag ug 4,710 local ug overseas job vacancies sukad Abril 22, 2022.
Gikanayong dinungan kini nga ipahigayon sa DOLE-Davao del Norte Field Office kaabag pa gihapon ang private sector diin himuon ang pre-Labor Day TNK Job and Business Fair sa Panabo City, Davao del Norte sa Abril 29, 2022.
Gikanayon ni Regional Director Randolf C. Pensoy nga laraw sa kompanya nga makabangon ang labor market gikan sa global health crisis.
Gitambangan na lamang kadtong mga nangita ug trabaho nga regular lamang nga bisitahon ang DOLE-Davao Facebook page alang sa anunsiyo ug advisories sa mga events.
Ang Labor Day karung tuiga adunay tema nga “Matatag na Manggagawa, Matatag na Bansa.” diin laraw niini nga makahatag ug trabaho karung panahon sa New normal.
