DAVAO CITY – Naghimangno karon ang City Transport and Traffic Management Office (CTTMO) nga kadtong mga Business shops nga migamit sa portion sa mga pampubliko nga dalan sa siyudad kinahanglan sumala pa nga irehistro alang sa regulation ug inspeksiyon.
Sumala sa CTTMO gisugdan nila ang pag-require sa mga shops sama sa auto repair ug carwash businesses nga magpa-register isip mandato ilalom sa Davao City Transport and Traffic Code of 2012 o ang Davao City Ordinance No. 0334-12.
Sumala pa kang CTTMO chief Dionisio Abude nga ayha ang nahisgutan nga anunsiyo, gipahibalo na nila daan ang mga maapektohan nga mga business owners sa higayon nga ipatuman na ang maong regulasyon kalakip na ang mga nanag-iya ug driveways ug uban pang mga establisyemento nga migamit sa mga kadalanan isip public pay parking.
Giimbetahan sa CTTMO ang mga nanag-iya ug negosyo nga mutambong sa online seminar sa Abril 27,28, ug 29 arun nga magiyahan ang mga nahisgutan sa registration process.
Hinuon gitino ni Abude nga kadtong mga gambalay nga adunay six-meter parking setbacks ang dili obligahon nga mga iparehistro.
Ang pagmugna ug setback parking alang sa mga gambalay ang makatabang arun nga malikayan ang road obstruction.
Sa higayon nga pakyas sa registration requirement, mamahimong mag-atubang ug penalty nga P1,000 alang safirst offense, PHP3,000 sa second offense, ug PHP5,000 ug non-renewal sa business permit alang sa third ug sunod-sunod pa nga mga kasaypanan nga nahimo.
