DAVAO CITY – Laing mga indibidwal na sab ang nasikop sa mga sakop sa tropa sa Task Group Agila, Task Force Davao samtang milatas kini sa Lacson Checkpoint, Calinan District ning dakbayan.
Gikanayong narekober sa otoridad ang illegal nga druga ug mga armas. Una ng naila ang mga dinakpan nga sila si Gerald Garcia, 30, minyo, resikdente sa Purok Dugso, San Pedro, Panabo City; Michael Garcia, 25, minyo residente sa Purok Dugso, San Pedro, Panabo City; ug Jenelyn Masernas, 25 anyos, dalaga ug residente sa Quezon, Bukidnon.
Sakay sumala pa ang mga suspek sa trailer truck gikan sa Valencia, Bukidnon paingon sa Panabo City via Davao City.
Dihang gipailalom sa inspeksiyon ang mga nahisgutan, narekober sa ilang posisyon ang 11 ka mga pakete sa illegal nga druga nga mutimbang ug 4.01 grams ug adunay street value ng P70,000.00; usa ka pakete sa marijuana nga mutimbang ug 1.21 grams ug adunay street value nga P500.00; usa ka 9mm pistol nga adunay duruha ka magazines ug 14 round ammunitions; usa ka 357 revolver nga adunay lima ka mga round sa bala; Cellular Phones; ug drug paraphernalias.
Ang mga narekober gikan sa suspek ingon man mga ebidensiya ang gi-turn over sa Calinan Police Station alang sa tukma nga disposisyon.
