DAVAO CITY – Gidawat ni Davao City Vice Mayor ug Kasamtangang acting Mayor Sebastian “Baste” Duterte ang Gawad Paglilingkod sa Sambayanan (GAPAS) Awards alang sa lokal nga kagamhanan sa dakbayan sa Dabaw.
Ang nahisgutang pasidungog ang gihatag sa Department of Social Welfare and Development (DSWD) gumikan sa gipatuman niining mga programa ug mga proyekto alang sa paghatud ug maayo ug bastante nga pag-serbisyo alang sa tibuok katawhang dabawenyo.
Ang dakbayan sa Dabaw ang giila isip usaka “Model LGU Implementing Day Care Services” ug “LGU Implementing Outstanding Sustainable Livelihood Program- Employment Facilitation Model”.
Gitunol ang nahisgutang pasidungog atol sa gipahigayong Pagkilala sa Natatanging Kontribusyon sa Bayan (PaNata) Awarding Ceremony kagahapong adlawa sa usaka inilang hotel ning syudad.
Gipanaad ni Vice Mayhor Baste Duterte nga ipadayon sa syudad ang paghatud ug walay kinutuban nga pagserbisyo alang sa kaayuhan sa mga lungsuranong dabawenyos.
