DAVAO CITY – Wala sab nagpaulahi ang tulo ka mga tulonghaan sa dakbayan nga nakatala ug ubay-ubay ka mga tinun-an nga hingpit nga nahimong abogado atol sa gipagulang resulta sa Bar examination bag-ohay pa lamang.
Nakatala sumala pa ang Davao City ug high marks sa first-ever digital 2020-2021 Bar examinations.
Subay sa resulta nga gipagula sa Supreme Court kagahapon. Abril 12, 2022, ang Ateneo de Davao University-College of Law ang adunay rate nga 96.4192 percent, diin 61 gikan sa 65 bar examination candidates ang nakapasar.
Anaa kini sa ika-upat sa top performing law schools nga adunay 51 to 100 candidates. Natala sab sumala pa nila ang 22 exemplary passers o kadtong mga naka-score ug kapin 85 percent, ug usa ang excellent passer nga adunay passing rate nga mas taas sa kapin 90 percent nga mao si Atty. Francis Roel L. Dulay.
Nasayran sab nga sa 65 bar candidates, 55 gikan sa 57 first takers ang malampuson nga nakapasar.
Samtang ang Jose Maria College Foundation Inc.-College of Law ang adunay 100 percent passing rate diin 26 candidates niini ang nakapasar ug upat ang exemplary passers.
Kalakip kini sab kini pito ka mga top performing schools nga adunay 11 to 50 examinees. Nakaangkon sab ang Rizal Memorial Colleges (RMC) ug 100 percent passing rate.
Kalakip kini sa six schools top performing schools uban ang 10 examinees paubos.
Ang maong tulonghaan adunay duruha ka examinees. Sa tibuok kapupud-an, anaa sa 8,241 gikan sa 11,402 bar candidates ang nakapasar, diin tugbang kini sa overall passing rate nga 72.28 percent.
Nagpahayag sab sa ilang pagtimbaya ang Supreme Court sa mga giilang mga bag-ong abogado.
