DAVAO CITY – Gibutyag sa Davao City Transport and Traffic Management Office (CTTMO) nga walay ipatuman nga road closures sa mga kadalanan sa dakbayan sa dabaw atol sa paghinumdom sa semana santa.
Apan, gikanayon niini nga lauman nga magbaton ug one-way lanes sa mga kalsada nga gamiton alang sa lima ka adlaw nga Holy Week activities sa 16 ka mga simbahan sugod sa Palm Sunday o bindita sa lukay karong adlaw nga Domingo, April 10, 2022.
Kinatibuk-ang 925 ka mga personahe sa CTTMO ang ipakatag aron motabang sa pagkontrola ug pagdumala sa traffic ug sa panagtapok sa katawhan.
Gikanayon ni CTTMO chief Dionisio Abude, aduna nay giandam ang iyang buhatan nga deployment plan ug naa na usab silay na-identify nga 16 ka mga simbahan nga adunay ipahigayong mga kalihukan.
Dugang gikanayon ni Abude nga gawas sa palm Sunday, dumalahon usab sumala pa sa CTTMO ang uban pang mga kalihukan atol sa Hwebes santo April 14; ang stations of the cross sa biyernes santo April 15; Black Saturday sa April 16; ug Easter Sunday sa April 17.
Gikanayon usab ni Abude nga ang prosesyon sa Palm Sunday ang magsugod gikan sa Rizal Park paingon sa Bolton ug balik sa San Pedro Cathedral.
