DAVAO CITY – Gikumpirma sa lalawigan sa Magsaysay sa Davao del Sur nga apektado sa avian influenza o bird flu ang usa ka barangay sa lugar.
Sumala pa kang Magsaysay municipal agriculturist Helen Carampatan nga positibo nga infected ang blood samples nga gikuha sa mga pato nga gikan sa Barangay San Isidro.
Una ng nasayran nga gipahigayon sa mga personahe sa municipal agriculture sa test ang blood sample sa mga manok sa lugar alang sa monitoring ug surveillance gumikan sa posibilidad nga adunay avian flu outbreak.
Kini sumala pa ng hinungdan nga anaa sa 3,008 ka mga pato ang gipamatay sa milabay nga adlaw sa Barangay San Isidro kini arun nga malikayan ang pagkatag sa kagaw sa mga kasikbit nga barangay.
Gikanayon sab ni Anthony Allada, municipal information officer, nga ang nahisgutan nga mga pato ang gikan sa lungsod sa President Quirino, Sultan Kudarat.
Gilayon sab nga nagpagula ug guidelines si Mayor Arthur Davin arun nga pugngan una ang pagsulod sa mga domestic ug wild birds, ug gipa-activate ang quarantine procedures sa tanan nila nga mga municipal borders.
Gimanduan sab niini ang Barangay Health Emergency Response Teams nga palapdan pa ang ilang pagpaningkamut ug subayon ang grassroots level ug hatagan ug assistance ang mga apektado ingon man hugtanon nga ipatuman ang bird flu prevention program.
Bisan nga dili makaapekto ngadto sa tawo, apan aduna sumala pay talagsaon nga kaso sa human infection hinungdan nga gipahimangnoan pa gihapon niini ang mga residente sa lalawigan nga pabiling nga mag-igmat.
Sa higayon nga matakdan, mamahimong walay mabati nga sintomas o mild illness ngadto na sa severe disease hangtud muresulta sa kamatayon kini pinasikad sa gipahigayon nga pagtuon.
