DAVAO CITY – Nagpabilin lamang gihapon nga naa sa ubos kaayo nga classification level sa tibuok dakbayan sa dabaw labot sa mga kaso sa covid 19.
Subay sa labing ulahi nga gipagawas sa lokal nga kagamhanan sa davao city nga barangay classification sugod karong adlawa Lunes Abril 4 hangtud Abril 9, 2022 nagpadayon ang syudad nga walay bisan usa nga natala nga critical risk barangay.
Gawas niini, wala usay natalang high risk barangay, high risk barangay (in close proximity to Critical Risk Barangays), Moderate risk barangays, ug moderate risk barangays (in close proximity to High Risk Barangays).
Samtang, naa na lamang usab sa unom ang mga natalang Low risk barangay nga gilangkuban sa mga barangay 5-A, Bago Aplaya, Buhangin Proper, Lizada (Toril), Matina Aplaya ug Mintal.
Samtang ang nahabiling 179 ka mga barangay ang naa usab sa minimal risk barangays.
Sa gihapon bisan pa niini, padayon gihapon ang pahinumdom sa lokal nga kagamhanan ngadto sa mga Dabawenyos nga mag-amping pinaagi sa kanunay nga pagsul-ob ug facemask ug kung mamahimo ipabililn gihapon ang physical distancing.
