DAVAO CITY – Gitino sa Davao City Covid-19 Task Force nga kinahanglan sumala pa nga adunay igong kapasidad ang usa ka Pharmacies nga mapatuman ang kompleto nga logistics arun nga mamahimong kwalipikado kini nga makapahigayon ug vaccination rollout sa ilang establisyemento.
Gikanayhong kalakip niini ang eksakto nga lawak alang sa matag step sa vaccination process sama sa screening, consultation, pre-vaccination, ug post-vaccination monitoring ingon man igo nga mga sakop.
Aduna sumala pay bastante nga bakuna apan kinahanglan nga mo-comply sab ang uban nga mga pharmacies sa mga gikinahanglan nga rekisitos.
Gikanayong nagpabilin nga dakung hagit sa pipila ka mga pharmacies ilabi na sa mga small-scale pharmacies nga makapahigayon ug roll out vaccination gumikan kay limitado lamang ang ilang lugar.
Sumala pa kang Dr. Kenny James Merin, presidente sa Philippine Pharmacists Association Davao City Chapter, nga ang “Resbakuna sa Botika” drive mamahimong limitado lamang sa chain drugstores sama sa Watsons Pharmacy, diin ang ilang branch sa SM City Davao ang labing una nga pharmacy nga nakapahigayon ug roll out vaccination dinhi sa Davao Region.
