DAVAO CITY – Gipangunahan mismo ni Acting Davao City Mayor Sebastian Baste Duterte ang sayo nga paghinumdom kagahapong adlawa sa nahitabong pagpamomba sa Sasa Wharf niadtong Abril 3, 2003.
Usa ka santos nga misa ang gipahigayon sa lugar diin nahitabo ang pagpamomba sa nahisgutan nga pantalan diin anaa sa 16 ka mga tawo ang namatay samtang 66 ang natalang angol.
Usa ka santos nga misa ang gipahigayon kagahapong adlawa diin kauban sa Bise Mayor ang mga nahibilin nga kabanay sa mga biktima.
Naghalad sab ug bulak ingon man nagsindi ug kandila sa lugar diin nahitabo ang pagpamomba.
Una na sab nga nagpasalamat ang mga kabanay sa biktima gumikan kay wala sila gipasagdan sa lokal nga kagamhanan ilabi na ang pagpa-eskwela sa ilang mga anak.
Kahinumduman nga nahitabo ang Sasa bombing ensakto usa ka bulan dihang nahitabo usab ang pagpamomba sa Davao Old Airport diin ubay-ubay sab ang natalang mga namatay.
