DAVAO CITY – Gitino sa City Veterinarian Office (CVO) nga ginatugot pa karon sa siyudad ang pagpasulod ug mga poultry products nga gikan sa mga silingan nga lugar apan kinahanglan nga kompleto kini sa mga documentary requirements kini isip kabahin pa gihapon sa hugtanon nga lakang arun masiguro nga dili makasulod sa dakbayan ang Avian flu nga posibleng makaapekto sa mga binuhing manok ug langgam.
Hinuon una ng gitino sa ahensiya nga ang avian flu dili lamang makaapekto sa commercial poultry apan lakip na sa game fowls, broilers, pigeons, quails, pabo, pato, ug migratory birds.
Gikanayon sab sa buhatan nga wala pa silay natala nga kaso sa dakbayan nga “poultry to human transmission” o mga lugar nga apektado karon avian flu.
Hinuon gipahimangnoan ang publiko nga kung mamahimo likayan ang pagdala ug mga manok nga gikan sa mga lugar nga posibleng apektado sa Avian flu aron nga malikayan ang posibleng transmission sa virus ilabi na dinhi sa dakbayan.
