DAVAO CITY – Gikanayon ni Davao City Covid-19 Task Force Spokesperson Dr. Michelle Schlosser nga dili na kinahanglan pa sa mga pharmacy o mga botika nga mopahigayon ug vaccinations gumikan kay nagbaton na ang syudad ug bastanting mga vaccination hubs ug strategies alang sa mga dabawenyo.
Gikanayon ni Schlosser nga nagbaton ang syudad ug panaghinabi tali sa mga pharmacies alang sa paspas nga vaccination rollout, apan wala kini naglambuon o nadayon.
Dugang pa ni Schlosser nga hangtud kagahapong adlawa Marso 30, 2022 walay pharmacy ang mipadayag nga mopahigayon ug vaccination rollout. Gikatarungan ni Schlosser nga walay kakulangon uig vaccination hubs ang syudad.
Gani naa pa ang mga fixed vaccination hubs sa syudad gawas pa sa pagpahigayon ug house-to-house vaccination aron masiguro nga mabakunahan ang mga taong dili gusto mugawas o adunay pagduhaduha.
Kahinumduman nga niadtong Enero niining tuiga, gilusad sa Department of Health (DOH) ang “Resbakuna sa Botika” nag nagtumong aron mas mapalambo pa ang immune response aron makab-ot ang insaktong level sa ka-epektibo sa batok Covid-19.
Ang maong programa ilalom sa kakanduan sa DOH, mao ang vaccination drive nga gipangunahan sa National Vaccination Operations Center (NVOC) sa National Task Force Against Covid-19 aron mahatag ang mas sayon nga access sa mga bakuna isip pamaagi aron mapanalipdan ang katawhan gikan sa nagpadayong pandemic.
