DAVAO CITY – Nasikop sa mga personahe sa Sta. Ana Police station ang giilang Top 4 drug personality gumikan sa pagkalambigit sa ginadili nga druga.
Gilusad ang operasyon sa Brgy. R Castillo ning dakbayan nga miresulta sa pagkasikop sa usa ka Arnulfo Ferraren Sefuentes. 47 anyos, walay trabaho ug residente sa Brgy. 19-B, ning dakbayan.
Nadakpan ang nahisgutan human nga nagpaka-arun ingnon nga buyer ug shabu ang usa ka pulis bugti sa buy bust money.
Dihang gihiling kini sa kapulisan, narekober pa sa iyang posisyon ang mga nagkadaiyang gidak-on sa mga pakete sa illegal nga druga, P500 nga salapi ug pito ka mga bogus nga tig-P1,000 ug lima sab ka bogus nga tig-P500 bills.
Gikonsidera ang dinakpan nga TOP 4 Drug Personality – Regional Level ug usa ka High-Valued Individual.
Ang pagkasikop sa nahisgutan ang makapakunhud sa sirkulasyon sa illegal nga druga sa Brgy. Lapu-Lapu, Agdao ning siyudad.
Gibana-banaang adunay street market value ang mga illegal drug items ug kapin kun kulang Php912, 000.00 o mutimbang ug 57 grams.
Anaa karun sa kustodiya sa kapulisan nga mga narekober nga ebidensiya ug gi-andam na ang gikinahanglan nga mga dokumento alang sa iduso nga reklamo nga adunay kalabutan sa kasong paglapas sa RA 9165 o Comprehensive Dangerous Drugs Act of 2022. Ipailalom sab ang dinakpan sa Summary Inquest Procedure.
