DAVAO CITY – Nagpadayag karun ug kabalaka si Dr. Michelle Schlosser, tigpamaba sa Davao City Covid-19 Task Force, human ang daghanang mga tawo nga nagtapok-tapok sa subli nga pag-abli sa Roxas Night Market sa milabay nga adlaw.
Sumala sa nahisgutan nga ang pagtapok-tapok sa daghanang tawo ang makapasaka sa risgo sa transmission sa kagaw.
Kahinumduman nga daghanang tawo ang nahinam sa subli nga pag-abli sa Roxas Night Market human nga duruha ka tuig na sab kini nga gipasirad-an gumikan sa epekto sa Covid-19 pandemic.
Isip kabahin sa safety and health protocols, hugtanon nga gina-check ang pagsuot ug facemask ilabi na kung musulod ug kinahanglan nga manghugas kini sa ilang kamut.
Naglaum na lamang si Schlosser nga kinahanglan responsable ang mga moadto sa lugar ilabi na nga nagpabilin pa gihapon karon ang bahad sa covid-19.
Bisan nga tumong niini nga makabalik ug rekober ang ekonomiya sa siyudad, angayan nga dili pa gihapon magpasagad ilabi na nga susamang mahinungdanon karon ang panglawas ug pagbangon sa ekonomiya.
Gikanayong base sumala pa sa Davao City Daily Covid-19 Case Monitoring, ang siyudad nakatala ug bag-ong kaso sa as of March 21, 2022, uban ang 2 porsyento nga positivity rate.
Apan luyo sa pag-ubos sa kaso, kinahanglan nga dili pa gihapon magpasagad ug mutamod sa mga polisiya nga muhatag ug proteksiyon sa panglawas.
Una ng gibutyag sa lokal nga kagamhanan nga mangandam pa gihapon alang sa subling masinatian nga surge ilabi na nga daghanang mga aktibidad karun ang gipahigayon ilabi na ang pagpangampanya ug ang mas luag nga restrictions.
