DAVAO CITY – Nagpabilin sumala pa karon nga igo ang suplay sa manok sa rehiyon luyo sa nagpadayon nga krisis tali sa Ukraine ug Russia.
Sumala sa mga local poultry producers, pabalik lamang ang demand sa produkto kaniadtong wala pa ang COVID-19 pandemic samtang gikabalak-an sab niini ang subli nga paghinay sa produkto gumikan sa pagsaka sa presyo sa lana ug posibleng pagsaka sa presyo sa uban pang nag-una nga panginahanglanon sa publiko.
Gikanayon sab ni United Broiler Raisers Association (UBRA) president Elias Jose Inciong, ubos pa gihapon ang deman sa produkto ilabi na nga pabalik pa lamang ang operasyon sa mga hotel ug restaurant karun nga anaa sa ubos nga alert level ang rehiyon.
Samtang gikanayon sab ni Bounty Agro Ventures Inc. (BAVI) president ug general manager Ronald Mascariñas, ang produksyon ug breeding stocks sa manok sa nasud ang magpabilin nga igo pa hangtud sa musunod nga 18 ka bulan.
Sa kasamtangan, naglaum na lamang ang mga local poultry producers nga mubalik na ang lig-on nga dagan sa ekonomiya nga dakong tabang sab sa mga local farmers.
