DAVAO CITY – Nagkara-kara ang mga residente sa Sitio Sanghay Barangay Lagumit Malita, Davao Occidental sa pagluwas sa ilang mga kabtangan human ang nasinatian nga pagbaha sa lugar hatud sa pagbundak sa kusog nga ulan sa bukiron nga bahin sa lugar.
Sa kasamtangan gisubay pa kung adunay natalang casualtysa kalit nga pagbaha sa nahisgutan nga dapit.
Sa pikas nga una sab nga gipahigayon kagahapong adlawa ang pagpabakwit sa mga Purok 8, Barangay Magsaysay Nabunturan Davao de Oro sa 121 ka mga indibidwal o 37 ka pamilya human ang nadawat nga report sa Municipal Disaster Risk Reduction and Management Office (MDDRMO) kalabot sa ilang sitwasyon.
Kahinumduman nga daghanan pa gihapon sa mga residente sa lugar ang apektado sa wala pa nahubas nga tubig baha hinungdan nga gibalik ang mga nahisgutan sa evacuation center diin gitabangan ang mga residente sa mga sakop sa Nabunturan Emergency Response Team (NERT).
Gikanayong ang mga pag-ulan sa pipila ka mga lugar sa Davao region ug Mindanao ang hatud sa nasinatian nga easterlies ug localized thunderstorms.
