DAVAO CITY – Nasikop sa mga personahe sa Mati City Police station sa buy bust operation ang giilang High Value Individual Top No. 9 Regional Level.
Gikanayong target sa maong operasyon nga gilusad sa National Road of Prk Makugihon, Brgy Dahican, Mati City Davao Oriental ang usa ka alias “Wawa”.
Napalitan kini sa mga operatiba nga nagpak-arun ingnon nga buyer ug pakete sa illegal nga druga bugti sa P500 buy bust money.
Dihang nagpa-ila nga mga sakop sa otoridad ang iyang ka-transaksiyon, wala na nakapalaga ang suspetsado nga nailang si Noel Espelimbergo Escasinas Jr alias “Wawa”, 22 anyos, laborer ug residente sa Prk Makugihon, Brgy Dahican, Mati City.
Nakumpiska gikan kaniya ang mga nagkadaiyang gidak-on sa illegal nga druga ug marked money.
Gibana-banaang adunay market value nga kapin kun kulang Php 24,000.00 ang mga illegal nga druga nga mutimbang ug 2 grams.
Dugang na nga gipanid-an ang suspek ayha gilusad ang operasyon alang sa pagsikop kaniya. Anaa na karon sa kustodiya sa Mati PNP ang suspetsado ingon man ang illegal nga druga nga ipailalom sa eksaminasyon ug magsilbing ebidensiya sa kasong paglapas sa Republic Act 9165 kung Comprehensive Dangerous Drugs Act of 2002.
