DAVAO CITY – Gikanayon ni City Information Office, City Social Services and Development Office (CSWDO) head Marlisa Gallo nga padayon ang ilang pag-assist sa mga residente nga naapektohan sa nasinatian nga pagbaha sa dakbayan sa milabay nga adlaw.
Sumala sa nahisgutan nga gilayon nila nga gi-deploy sa mga apektadong lugar ang mobile kitchen sa lokal nga kagamhanan aron nga masiguro nga dili magutman ang mga residente.
Gawas sa hot meals, nagpahimutang sab sumala pa ang CSWDO ug mga modular tents sa mga mibakwit.
Hinuon mayorya sa mga mihikling ang nakabalik na sa ilang mga pinuy-anan gawas lamang sa pipila ka mga residente sa Barangay Tigatto ug Brgy- 19.
Sa ulahing data sa CSWDO, pipila sa mga areas nga apektado ang gilangkuban sa Davao River, Talomo River, Bunawan River, ug Lasang River, Gravahan, Matina Crossing; Juliville Subdivision, Sitio Uyanguren, Purok 5, ug DMMA sa Barangay Tigatto; San Rafael, ug uban nga areas sa Barangay Maa; ten Puroks sa Barangay Waan; Central Park, Talomo Elementary School, Bulusan, Taal Road ug Our Lady sa St. Lourdes sa Barangay Talomo Proper;Tugbok Proper; Barangay 5-A; Barangay Sto. Niño, Barangay Mandug, Barangay 19-B ug Barangay Lasang.
Samtang tungod sumala pa sa nasinatian nga pag-ulan, adunay natala usab nga pagdahili sa yuta diin naapektohan niini ang two-lane road sa Sitio Malapangi, Barangay Malabog hinungdan nga gipahigayon gilayon ang clearing operation.
Una ng nagpahimangno ang Pag-asa nga dili pa gihapon mukumpiyansa sanglit molungtad pa ug hangtud Abril ang masinatian nga mga pag-ulan nga posibleng hinungdan sa mga pagbaha.
