DAVAO CITY – Inay muserbisyo sa iyang mga pasyente sa ospital, diretso na hinuon sa presohan ang usa ka doktor nga una ng nababagan sa mga personahe sa Task Force Davao (TFD) sa Sirawan Toril ning siyudad diin ang njahisgutan nakuhaan ug illegal nga druga atol sa gipahigayon nga inspeksiyon.
Naila ang dinakpan nga si Juan Arindaying Yuhico Jr., 61 anyos, lumad nga taga Iloilo City, physician ug kasamtangang nanimuyo sa Blk 13 LoT 8, Green Hills Subdivision, Catalunan Pequño ning dakbayan sa Davao.
Gikanayong atol sa gipahigayon nga inspeksiyon sa Checkpoint narekobber gikan sa iyang ang mga ebidensiya nga gilangkuban sa usa ka medium size sa shabu nga mutimbang ug 0.95 gram.
Lima ka mga Improvised glass tube tooter nga gi-undan ug shabu, usa ka coin purse color red, ug ang sakyanan nga gigamit niini.
Kasamtangan karon nga gipaslak sa presohan sa Toril Police station alang sa tukma nga disposisyon samtang ang mga narekober gikan kaniya ang isumite sa DCFU XI, Ecoland, Davao City alang sa laboratory examination.
Mag-atubang ang doktor ug paglapas sa Republic Act 9165 kun comprehensive Dangerous Drugs Act of 2002.
Gipasalig sa kapulisan nga magpadayon ang ilang pagmonitor sa mga tawo nga nalambigit sa illegal nga druga ingon man pagpatuman sa hugtanon nga inspeksiyon sa mga checkpoint aron nga masiguro nga dili makalusot paingon dinhi sa dakbayan ang mga illegal nga druga nga planong ipayuhot sa mga dautang elemento.
