DAVAO CITY – Gipasalig sa kasundalohan nga andam sila nga tabangan ang mga rebelde nga mubalik sa sabakan sa kagamhanan arun nga makasugod ang mga nahisgutan sa ilang bag-ong kinabuhi.
Kahinumduman nga gipangunahan mismo sa 73rd Infantry Battalion sa Philippine Army kaabag ang provincial government sa Davao Occidental sza pagtunol sa 24 ka mga kanhi rebelde ug livelihood assistance nga kantidad sa P615,000.
Gikanayong matag surrenderees nga mga kanhi miyembro sa New Peoples Army ang una na sab nga nakadawat ug P25,000 cash assistance matag usa atol sa turnover ceremony sa lungsod sa Malita dili pa lamang dugay.
Sumala pa kang 73rd IB Commander Lt. Col. Antonio F. Quimado Jr. nga ang financial assistance usa ka manifestation sa nahimong saad sa gobyerno nga tabangan ang mga kanhi rebelde nga mangandam sa ilang kaugalingon alang sa pagbalik nila sa katilingban kauban ang ilang mga pamilya.
Naglaum sab ang lokal nga kagamhanan sa Davao Occidental nga magpadayon pa ang nahisgutan nga programa sa gobyerno ilabi na ang paghatag sa mga panginahanglanon sa komunidad ilabi na ang farm-to-market roads, healthcare system, sanitation ug water development program.
Gi-awhag sab niini ang mga kanhi rebelde nga tabangan sab ang gobyerno nga maangkon ang kahusay ug kalinaw sa probinsiya.
