DAVAO CITY – Gipakatag na karon sa lokal nga kagamhanan ang anaa sa 226 ka mga bag-ong deputized personnel ug nagsugod na sab sila sa pag-isyu ug citation tickets sa tanan nga mga violators nga makalapas sa face mask requirement sa mga pampublikong lugar.
Gikanayong ang mga deputized individuals ang gikan sa nagkadaiyang buhatan sa lokal nga kagamhanan, Response Cluster sa Covid-19 Task Force, ug City Health Office (CHO) nga natapos na sa duruha ka adlaw nga training pinasikad sa Davao City Ordinance 0307-20 o ang Mandatory nga pagsuot ug facemask sa mga pampublikong lugar.
Gipakatag ang mga nahisgutan sa mga kadalanan sa siyudad mga buhatan sa lokal mga kagamhanan aron masiguro nga mapatuman ang ordinansa kalakip na ang pag-isyu ug ordinansa kalakip na ang citation tickets nga adunay penalty nga P500 sa mga violators.
Sumala pa kang Dr. Michelle Schlosser, spokesperson sa Davao City Covid-19 Task Force, ang mga deputized personnel mamahimong musita sa mga wala nagsuot ug facemask ug ipahibalo ang kalapasan nga nahimo dayon isyuhan kini ug citation ticket.
Gipahinumdoman sab ni Schlosser ang publiko nga mo-obserba sa pagsuot ug facemask ilabi na nga dili matud mailhan ang mga deputized individuals gumikan kay dili magsuot ug uniporme.
