DAVAO CITY – Nakadawat ang kapin 900 ka mga pamilya sa munisipalidad sa Caraga, Davao Oriental nga apektado sa Cholera ug hinabang gikan sa ilang lokal nga kagamhanan.
Gawas niini, mo-alokar na sab ang probinsiya ug P20-million alang sa pagtukod sa Potable Water System partikular na sa Barangay Santiago sa Caraga nga grabeng naapektohan sa Cholera.
Gihatagan sa ug tig-P5,000 ang 400 ka mga apektadong pamilya kini pinaagi sa Department of Social Welfare and Development (DSWD) samtang P10,000 sa matag pamilya nga namatyan tungod sa maong outbreak.
Kahinumduman nga nakatala ang Provincial Health Office ug 590 cases ka mga kaso sa cholera samtang anaa sa pito ang natalang namatay.
Kahinumduman nga ang kontaminadong tubig sa lugar ang gitudlong hinungdan nganong daghanang mga residente sa lugar ang nakasinate ug pagpanakit sa ilang tiyan ug dehydration.
Hinuon pipila sa mga pasyente ang nakauli na sa ilang panimalay ug nagmaayo na sa ilang balatian.
