DAVAO CITY – Dakpan sa mga sakop sa PDEA Davao Occidental Provincial Office, Sta. Maria Municipal Police Station ug Davao Occidental Police Provincial Office atol sa gipahigayon nga buy-bust operation ang giilang Top 7 nga indibidwal nga nalambigit sa pagpamaligya ug illegal nga druga sa Unicarbai, Barangay Basiawan, Sta. Maria, Davao Occidental.
Naila ang suspek nga si Vincent Gal, 25 anyos, ulitawo, driver, Number 3 sa Municipal Target List (MTL) ug residente sa Barangay Cadaatan, Sta. Maria, Davao Occidental.
Napalitan ang nahisgutan sa PDEA Agent nga nagpaka-aron ingnon poseur buyer ug usa ka pakete sa illegal nga druga nga mutimbang ug kapin kun kulang (1) gram nga kantidad ug Php. 15,000.
Kalakip sab sa narekober ang buy-bust marked money. Gikustodiya karon ang nahisgutan sa Sta. Maria Municipal Police Station, samtang ang mga nakuhang illegal drugs ang isumite sa Laboratory Service sa maong buhatan alang examination.
Mag-atubang ang nahisgutan ug kasong paglapas sa Section 5 (Sale of Dangerous Drug), Article II sa Republic Act 9165 o Comprehensive Dangerous Drugs Act of 2002.
Gikan ayong magsilbi sumala pa nga pahimangno sa tanan nga mga nalambigit sa illegal nga druga nga nag-operate sa Davao Region nga dili moundang ang Philippine Drug Enforcement Agency, Philippine National Police ug komunidad sa paggukod sa mga nahisgutan aron lamang kapugngan ang mga susamang illegal nga mga aktibidad.
