DAVAO CITY – Napasakahan na ug kasong murder ang suspek kinsa giputlan niini ug kinatawo ang usa ka lalaki nga ilang driver ug gibunalan pa ug brick ang ulo.
Kahinumduman nga nahitabo ang insidente sa Brgy. Tacunan, Tugbok District ning dakbayan.
Una ng naila ang biktima nga si Danilo Aranzo Ang ,51-anyos residente ng Sitio Sto Niño, Tugbok District ning dakbayan samtang ang amo niini nga nailang si Alexander Taglucop , 51-anyos.
Sa ulahing imbestigasyon ng Tugbok PNP, kalit na lamang sumala pa nga gibunalan sa ulo sa suspek ang biktima dihang miabot sa ilang pinuy-anan kauban ang amo nga babaye.
Gikanayong nawad-an sa iyang panimuot ang biktima ug gihiktan kini sa suspek dayon gihuboan ug pantalon ug giputlan ug kinatawo gamit ang kutsilyo.
Dali pa nga miresponde sa lugar ang mga sakop sa central 911 apan wala na nakaabot sa balay tambalanan ang biktima ug nakabsan na kini sa iyang kinabuhi.
Napasakahan na karon ug kasong murder si Alexander ug kasamtangan ng nabilanggo sa Tugbok Police station.
Narekober sab sa crime scene ang kutsilyo nga gigamit sa krimen ug brick nga maoy gibunal sa ulo sa biktima.
