DAVAO CITY – Desidido karon ang usa ka pulis nga pasakahan ug reklamo ang iyang asawa kansa iyang naaktohan nga nakigdulog ug lain pa nga pulis atol mismo sa kasaulogan sa Valentines Day kagahapong adlawa.
Kahinumduman nga nahugno ang kalibutan sa usa ka pulis human nga iyang nakita nga ang iyang asawa nga si alyas Jackie, 29 anyos nga nakigdulog na sa lain pa nga pulis nga si alyas Rubin, 28 anyos sa Brgy. Alejal, Carmen, Davao del Norte.
Kahinumduman nga paspas pa nga miuli sa ilang pinuy-anan gikan sa iyang duty ang 34-anyos nga biktima kinsa usa sab ka pulis kini arun nga supresahon unta ang iyang asawa sa valentines day apan iyang naatlan nga nakigdulog na kini ug lain nga binuhat.
Gumikan sa iyang kalagot, nangayo gilayon ug police assistance ang nahisgutan ug gipadakop ang misis niini ug ang gikadulog nga pulis.
Susama nga mag-atubang ang duruha ug kasong adultery kinsa gipangpaslak sa presohan sa Carmen Municipal Police Station.
