DAVAO CITY – Luyo sa dakong epekto nga gihatud sa Covid-19 pandemic sa sektor sa turismo sa Davao region, positibo ang National Economic and Development Authority (NEDA)-Davao nga makabawi niini ang rehiyon.
Una ng gibutyag ni NEDA-Davao Director Maria Lourdes nga anaa sa -3.9 percent ang kinatibuk-ang gi-ubos o 1,306,732 arrivals sa 2021 gikan sa 1,360,168 sa tuig 2020.
Sa nahisgutan nga ihap, ang overseas Filipinos ang adunay pinakadako nga gi-ubos nga anaa sa -84.9 percent o 1,091 arrivals sa 2021 gikan sa 7,266 sa 2020, gisundan kini sa foreign travel nga anaa sa -74.7 percent decline o 8,571 arrivals sa 2021 gikan sa 33,915 sa 2020.
Samtang dyutay nga naapektohan ang domestic arrivals nga anaa sa -1.6 percent ang gi-ubos. Mikunhod sab ang arrival sa tuig 2021 sa 1,297,070 arrivals kung itandi sa 1,318,987 sa 2020.
Una ng gibutyag ni Cherry Al-ag, presidente sa Davao Tourism Association (Data), nga luyo sa nasinatian nga suliran sa turismo sa rehiyon, milambo matud pa karon ang domestic market sa dakbayan sa Davao ilabi na sa local tourists nga naningkamut nga makabiyahe ilalom sa Davao bubble.
Gitataw ni Al-ag ang namatikdan nga kalambuan ang usa ka maayo nga performance sa private sector sama sa pagsaka sa ticket sales, ingon man hotel ug restaurant sales.
Subay sab sa Datus gikan sa Neda nga atol sa third quarter sa 2021, ang tourist receipts ang misaka sa 37 percent ngadto sa P4.068 billion gikan sa P2.968 billion sa susamang panahon kaniadtong 2020.
