DAVAO CITY – Nagpadayon na karon ang operasyon sa Crocodile Park Drive Thru Vaccination alang sa mga dabawenyo nga buot mupailalom sa anti-Covid first dose, second dose, booster shot, ug missed jabs sugod Lunes hangtud Biyernes sa alas 7:30 buntag hangtud alas tres hapon.
Mahinungdanon sumala pa ang drive thru vax hub alang sa mga buot minimal exposure sa uban mga tawo.
Sumala pa kang Davao City COVID-19 Task Force Spokesperson Dr. Michelle Schlosser, abli sa tanan ang Crocodile Park vaccination site, ilabi na sa mga drivers – jeepney, taxi, ug bus drivers.
Diin mas haum sumala pa kini alang sa mga nahisgutan.
Gawas sa mga drivers, welcome sab sa nahisgutan nga vaccination site ang mga medical frontliners, senior citizens, adults with comorbidities, indigents, pediatric nga nag-edad ug 12 ngadto na sa 17 anyos ingon man sa general population groups ang mamahimong sab nga maka-avail sa drive-thru vaccination.
Gipasalig sa lokal nga kagamhanan nga mapatuman ang minimum public health standards (MPHS) sa tanan nga mga vaccination hubs sa siyudad.
