Davao City – Gikumpirma sa Department of Health XI nga positibo sa cholera ang mga samples nga gisusi sa laboratoryo gikan sa mga nagka diarrhea sa Caraga, Davao Oriental.
Nisaka sa 491 ka mga residente sa maong lungsod ang nasakit sa cholera og unom na ang natala nga nakabsan sa kinabuhi. Naglusad na usab og massive emergency health response ang Provincial Government sa cholera outbreak.
Nadugang na og mga doktor, nurse, og uban pang mga personahe ang LGU aron mapugngan ang pagkaylap sa gikanayong waterborne disease.
Sa karon hugot ang monitoring sa Municipal health office sa mga pasyente aron masusi ang hydration status sa mga nahisgutan. Pabiling anaa usab sa nagkadaiyang balay tambalanan sa nasangpit nga probinsya ang 230 ka pasyente nga nanginahanglan og hospitalization. Gumikan sa pagsaka sa kaso sa Cholera gipailawom na sa state of calamity ang lungsod sa Caraga, Davao Oriental.
