DAVAO CITY – Gikanayon ni Dr. Kenny James Merin, presidente sa Philippine Pharmacists Association Davao City Chapter nga posibleng sugdan na sab dinhi sa dakbayan partikular na sa mga nag-unang pharmacies ang pagbakuna sa mga indibidwal batok sa coronavirus disease (Covid-19) karung first quarter sa 2022 human nga mihatag na ug go signal niini ang Department of Health (DOH).
Gikanayon ni Merin nga ang initial vaccination roll-out sa pharmacies ang limitado sa mga chain drug stores sama sa Mercury Drug, Watsons Pharmacy, The Generics Pharmacy, Generika Drugstore, ug South Star Drug.
Mahinungdanon sumala pa nga ang mga participating pharmacies ang anaa sa mga strategic locations arun nga dali na lamang kini nga adtuan sa mga tawo.
Dungan sa pilot roll-out sa NCR, gitataw ni Merin nga ang Davao pharmacies mamahimong magsugod una sa pagbakuna ug booster doses ayha sugdan ang first ug second doses.
Dili pa sab mabutyag niini kung ang mga pharmacies mo-cater ug walk-ins or pre-registration apan gikanayon sa DOH-Davao nga ang pharmacies motugot sa pag-administer sa general adult population gawas lamang sa senior citizens ug persons with comorbidities.
Nangandam na sab sumala pa karon ang DOH-Davao sa higayon nga sugdan na vaccination rollout sa pharmacies.
Tanan nga mga miyembro sa vaccination team kinahanglan nga susamang fully vaccinated ayha magpahigayon ug vaccination sa pharmacy.
Mandato sab ang Regional Vaccination Operation Center o Local Vaccination Operation Center nga i-assess ang pharmacies nga mopartispar sa rollout.
Samtang ang mga LGUs kinahanglan sab nga manguna sa pagpatuman sa vaccination services sa pharmacies ug magsilbi nga implementing unit.
