DAVAO CITY – Padayon karon ang gipahigayon nga pagpasabot sa mga hingtungdan nga ahensiya sa kagamhanan ngadto sa mga residente nga nagduha-duha pa gihapon nga magpabakuna.
Nasayran nga pabilin pa gihapon kini nga suliran sa siyudad ilabi na sa mga hilit nga dapit sanglit pipila ka mga barangay ang dyutay pa gihapon karon ug ihap sa mga residente nga nagpabakuna batok covid-19.
Gikanayong usa sa mga ginatutukan karon sa lokal nga kagamhanan ang Marilog District ning siyudad diin daghanan pa gihapon sa mga lumad ang dili magpabakuna gumikan sa ilang mga tinuohan.
Kinahanglan sumala pa nga ipasabot sa mga nahisgutan ang kamahinungdanon sa bakuna ilabi na sa paghatag ug proteksiyon niini sa panglawas batok sa kagaw.
Sa kasamtangan, nagpadayon ang gipahigayon nga vaccination sa Marilog dili lamang sa mga hamtong kung dili lakip na sa mga batan-on.
