DAVAO CITY – Gipahimangnoan karon ni Department of the Interior and Local Government (DILG) Regional director Alex Roldan ang tanan nga mga Local Government Units (LGUs) sa rehiyon nga kinahanglan mohimo gilayon ug mga lakang aron nga mapugngan ang surge sa covid-19 ilabi na nga lauman matud pa kini tungod sa milabay nga holiday season diin daghanang mga tawo ang migawas ingon man ang bag-ong variant nga Omicron.
Una ng gibutyag ni Dr. Michelle Schlosser, spokesperson sa Davao City Covid-19 Task Force nga masinatian ang posibleng surge sa covid-19 dinhi sa siyudad sa ikatulo ngadto na ika-upat nga semana karung bulan sa Enero.
Hinuon daghanan nga mga lalawigan sa Davao region ang subli na nga nangandam sa ilang mga isolation facilities sa higayon nga adunay masinatian nga pagsaka sa kaso sa covid-19 sa musunod nga mga adlaw.
Padayon sab ang pagpasabot sa mga opisyal sa matag LGUs ngadto sa ilang mga constituents kung unsa kamahinungdanon ang bakuna aron nga makab-ot ang igong proteksiyon sa kaugalingon ug sa katawhan.
