DAVAO CITY – Nagpadangat sa iyang pahasubo si Davao city Mayor Inday Sara Duterte-Carpio kalabot sa gidangatan ni Al Barka Mayor Darussalam Saguindilan Lajid kansa gipusil sa mga armadong kalalakin-an sa Zamboanga City.
Kahinumduman nga si Mayor Darussalam miyembro sa Lakas-CMD Party ug higala ni Mayor Inday.
Gikanayong makasubo ang gidangatan sa opisyal ug gitawag niini nga tinalawan nga pamago ang gihimo sa mga kriminal.
Una niini, kalakip sab sa mga namatay ang aide sa Mayor samtang samdan si Mayor Alih Awal Sali sa Akbar sa Basilan.
Nagpadangat karon ug pahasubo ang mga opisyal ug miyembro sa Lakas-CMD ngadto sa mga pamilya sa biktima dungan sab sa hinanali nga recovery ni Mayor Sali nga miyembro sa local United Bangsamoro Party nga miyembro usab sa Lakas-CMD sa Basilan.
Nanghinaut na lamang karon si Mayor nga maangkon gilayon ang hustisya sa mga biktima ug manubag ang mipaluyo sa krimen.
