DAVAO CITY – Dungan sa nagsingabot nga misa de gallo sa bulan sa Disyembre nga kabahin sa kasaulogan sa kapaskohan, gikanayon ni Sister Elaine Difuntorum, Pastoral In-charge San Pedro Cathedral, andam na karon ang simbahan sa mga aktibidad sa mosunod nga bulan.
Dungan sa pagpailalom karon sa dakbayan sa alert level 2, anaa na sa karon ang 70 percent ang ilang seating capacity apan hugtanon pa gihapon nila nga ipatuman nag minimum health standard.
Laoman sumala pa ng modagsa ang mga manimbahay atol sa simbang gabi apan kampante sila nga hapsay kini nga mapahigayon gumikan kay adunay mga personahe sa kapulisan ang ipakatag gawas sa simbahan aron masiguro nga malikayan ang patapok-tapok ug matuman ang social distancing.
Gitataw sab ni Sister Elaine nga subay sa schedule sa misa, magsugod ang ilang misa de gallo sa alas 4:00 sa kaadlawon samtang ang ikaduha nga misa magsugod sa alas 5:30 sa buntag.
Samtang sa mismong adlaw sa kapaskohan ug bag-ong tuig, adunay ipahigayon nga misa sa alas siete ug alas nuebe sa gabie.
Sa mga dili makaadto ug personal sa cathedral, aduna sumala pay ipahigayon nga misa sa mga Gagmay’ng Kristohanong Katilingban (GKK) sa alas 4:30 sa kaadlawon.
Nanawagan na lamang ang nahisgutan nga plano nga mosimba sa nahisgutan nga adlaw nga mas maayong magdala ug kaugalingon nga sanitizer ug ipabilin pa gihapon ang pagsuot ug facemask.
