DAVAO CITY – Gi-awhag ni Liga ng mga Barangay President Edgar Ibuyan Sr. ang mga Barangay officials ning dakbayan nga unta magsilbi nga ehemplo ngadto sa ilang komunidad aron nga maawhag pa ang mga nahisgutan nga magpabakuna.
Tipik lamang kini human nga aduna pay kapin 80 ka mga opisyales sa barangay ang wala pa gihapon nabakunahan karong panahona.
Sa ulahi sumala pa nga datus, gikan sa 1,820 ka mga Barangay Kapitan sa 182 ka mga Barangay sa Dakbayan, anaa sa 1,621 niini ang fully vaccinated samtang 109 ang nakadawat na sa ilang first dose.
Samtang pipila sa kapin 80 ka mga barangay kapitan ug kagawad nga wala pa nabakunahan ang nahimutang sa mga hilit nga Barangay ning siyudad ug malisdan niini ang liga ng mga Barangay Captain sa pag-contact sa mga nahisgutan.
Una na sab nga gidasig ni Davao City Covid-19 Task Force Michelle Schlosser ang opisyal sa Barangay nga kinahanglan magsilbi nga maayong ehemplo ang mga nahisgutan ilabi na nga kabahin sila sa mga nagtrabaho sa gobyerno kansa nagpadayon sab karon ang pagpaningkamut aron lamang dali nga maangkon ang gihandum nga igong proteksiyon sa katawhan o herd immunity.
