DAVAO CITY – Nagpahinumdum ang Davao City Police Office (DCPO) sa mga katawhan sa syudad nga gikinahanglang mosunod sa mga guidelines sa alert level 3 gumikan kay hugot kini nilang ipatuman.
Gipagawas ang nahisgutang mga sumbanan sa Inter-Agency Task Force (IATF) subay sa resolution no. 144-D nga nagsugod pa niadtong milabay nga adlaw.
Dugang gipahayag ni PCol Kirby John Kraft, director sa DCPO nga hugot nilang gina-monitor ang mga nagkadaiyang establisemento ug katawhan ilabi na sa mga specified restrictions ubos sa nahisgutang alert level.
Samtang sa pikas nga bahin, gipahayag usab ni Dr. Michelle Schlosser, spokesperson sa Davao City covid-19 task force nga pipila na ka mga establisemento ang makahimo sa pag-operate susama sa tourist attractions, restaurants ug hotels apan anaa lamang sa 30-percent capacity ug dugang 10 porsento kung nagbaton kini ug safety seal certifications.
