DAVAO CITY – Palig-onon pa karon sa lokal nga kagamhanan ang pagpahigayon pa ug house-to-house vaccination drive aron nga mapadali pa ang ilang vaccination program ug aron maangkon gilayon sa siyudad ang gihandom nga igong proteksiyon batok sa kagaw.
Tumong sa vaccination drive nga mabakunahan dayon ang mga kwalipikadong mga indibidwal ilabi na sa mga senior citizens.
Sumala pa kang Dr. Michelle Schlosser, tigpamaba sa COVID-19 Task Force, ang nahisgutan nga programa sa siyudad ang adunay intensive plan aron nga ma-cater ang senior citizens nga delikado ug sagad adunay medical conditions.
Sumala pa kang Schlosser nga nakiglambigit na karon ang lokal nga kagamhanan sa mga dili bakunado nga mga indibidwal pinaagi sa Office of the Vice Mayor ug Liga ng Barangay inabagan sa barangay senior citizens association.
Gikanayong ang buhatan sa Office of Vice Mayor Sebastian “Baste” Duterte ang nag-isyu ug guidelines sa door-to-door vaccination alang sa mga bedridden senior citizens, persons with disabilities (PWDs), ug dili makaadto sa mga vaccination sites.
Gikanayong ang team gikan sa Vice Mayor’s Office ang mo-contact sa mga applicants alang sa screening ug scheduling sa door-to-door vaccination.
Atol sa pagbakuna, adunay ipadala usab nga mga doctor alang sa physical screening sa mga indibidwal.
