DAVAO CITY -Niabot na sa kapin 68 percent sa target population sa Dakbayan sa Davao nga 1.2 million ang nakadawat na sa ilang unang dose sa COVID-19 vaccine.
Samtang, anaa na sab sa kapin 57 percent sa target population alang sa herd immunity ang fully-vaccinated na.
Pinakadaghan gihapon ang mga gikan sa Priorty A4 kon Essential Workers ang nakadawat na og first dose ug fully-vaccinated na, samtang misunod ang A3 kon Persons with Comorbidities, Senior Citizens kon A2, Poor population kon A5, ug Healthcare workers kon A1.
Bisan pa man nanaghan na ang nabakunahan sa Dakbayan, giangkon sa COVID-19 Task Force Spokesperson Dr. Michelle Schlosser nga makab-ot ang target nga 15,000 vaccinated individuals per day.
Nagkadaiyang rason ang hinungdan niini sama sa dili pagsulpot sa mga naka-schedule na ug sa mga dunay vaccine preference.
Gibarugan ni Schlosser nga igo ang supply sa mga bakuna, ug sakto ra usab ang ihap sa mga vaccination hub.
Apan, ila kining nakatakdang dungagan ug magpatuman usab sila og incentivization alang niini.
Gilaumang sa dili pa mahuman ang kasamtangang tuig o di kaha sa Pebrero 2022 makab-ot sa Dakbayan ang herd immunity.
