-- ADVERTISEMENT --
DAVAO CITY – Wala nay kinabuhi ang usa ka mag-uuma human nga gihaw-as kini gikan sa Suawan River sa Marilog ning Dakbayan alas 4 sa hapon kagahapong adlawa.
Subay sa taho sa Marilog PNP, nailhan ang biktima nga si Ginlo Casanuba Eday, 24 anyos, nanimuyo sa Sitio Tagaytay sa Barangay Malamba, Marilog District.
Misaysay usab ang ig-agaw sa biktima nga nag-uban sila padulong sa sapa aron manglaba.
Human niini, nangaligo sila sa sapa ug wala nakamatikod ang ig-agaw nga nawala na ang biktima human nga naabot kini sa lawom nga bahin sa sapa.
Gilayong nagpatabang ang ig-agaw, apan nakabsan na kini sa iyang kinabuhi human ang 30 minutos. Gidala na sa punerarya ang patayng lawas sa biktima.
-- ADVERTISEMENT --
