DAVAO CITY – Usa ang patay samtang tulo ang naa sa kritikal nga kahimtang human nag-bangga ang tulo ka mga sakyanan sa Sinaragan Bridge, National Road, Barangay Sinaragan, Matanao, Davao del Sur alas does kagahapon sa buntag.
Giila ang namatay nga si Joel Pulvera Coma, 48 anyos, residente sa Christian Village, Digos City samtang angol usab ang asawa niini nga si Geraldine Coma, 37 anyos ug duha nila ka mga minor de edad nga anak.Â
Sa imbestigasyon sa kapulisan, gikalambigitan ang aksidente sa tulo ka mga sakyanan nga gilangkguban sa usaka Toyota Fortuner, usaka Suzuki Ertiga ug sa usaka multicab nga maoy gisakyan sa mga biktima nga miembro sa pamilya Coma.Â
Gikabutyag nga unang nawad-an ug kontrol ang Toyota fortuner nga gimaneho ni Mohammad Jameel Salasal Ibrahim, 26 anyos, residnee sa HK Doton St Poblacion 3 Cotabato city diin sakay ang 3 ka mga pasahero paingon sa Digos city.
Apan pag-abot niini sa nahisgutang dapit gumikan sa kadanggo sa dalan nawad-an ug kontrol ang driver sa manubela ug mituyok paingon sa pikas nga lane.Â
Gumikan niini, na-igo ang nagpadulong nga sakyanan nga usaka Suzuki Ertiga nga gimaneho ni Teofilo Guilot Bulawan, 67 anyos ug residente sa kidapawan city nga miresulta sa grabe usab nga pagka-guba niini.Â
Ang multicab nga gisakyan sa pamilya Coma maoy nagsunod sa Ertiga ug tungod sa kalit nga panghitabo wala usab kapugngi ni Joel Pulvera Coma ang manobela ug mibagga kini sa likod nga bahin sa Toyota Fortuner ug gumikan sa ka-kusog sa impack naipit kini nga maoy hinungdan sa iyang kamatayon ug pagka-angol sa iyang asawa ug duha ka mga anak.
