DAVAO CITY – Subli nga nagpadayag ug pagpasalamat si Davao City Mayor Inday Sara Duterte-Carpio sa mga nagpadala kaniya ug mensahe ingon man pag-ampo alang sa hinanali nga pag-ayo human nga nagpositibo sa covid-19.
Sumala pa kang Mayor Inday bisan nga naka-quarantine siya karung panahona, nabasa niini ang mga mensahe nga gipadala kaniya.
Kini sumala pa ang nagpalig-on kaniya ilabi na nga dili sumala pa lalim nga mabulag sa iyang pamilya human nga gipailalom sa quarantine.
Sumala sa Mayor nga nindot nga inspirasyon ang gugma nga gihatag sa iyang mga supporters hinungdan nga mapasalamaton siya sa mga nahisgutan.
Kahinumduman nga una ng gipahibalo sa Mayor nga nagpositibo kini sa kagaw sa milabay nga Sabado.
Sa milabay nga Oktubre 5 dihang nakansela ang medical leave niini human nga usa sab sa iyang mga kaubanan ang nagpositibo sa covid-19.
