DAVAO CITY – Duruha ka incumbent Mayor sa Davao del Norte ang nakaduso na og ilang Certificate of Candidacy aron subling magpapili isip alkalde sa ilang Local Government Units.
Una si Incumbent Panabo City Mayor Jose Relampagos, nga nag-file sa COMELEC Field Office sa iyang Dakbayan.
Subli niyang pangayuon ang mandato gikan sa iyang mga ginsakpan alang sa iyang ikaduhang termino isip ilang Alkalde.
Samtang, nagtunol na usab og COC sa Field Office sa COMELEC sa Talaingod ang kasamtangang Alkalde sa nasangpit nga lungsod nga si Jonnie Libayao.
Sama ni Relampagos, muhangyo usab kini og bag-ong mandato gikan sa constituents niini aron masilbihan sila sa ikaduhang higayon isip Alkalde.
Wala pa usab bag-ong katikaran kalabot sa mga muduso og COC sa ilang mga local government unit.
Ang duha ka alkalde, newly-elected niadtong 2019 elections sa ilang kasamtangang katungdanan, ug dala nila ang partido nga Partido Demokratiko Pilipino – Lakas ng Bayan kon PDP-Laban, nga maoy ruling party sa nasud sa kasamtangan.
