DAVAO CITY – Laoman nga mingaw pa ang unang adlaw sa pagduso ug Certificate of Candidacy (COC) sa mga kandidato nga magpapili sa 2022 National and Local elections.
Hinuon, andam na ang mga personahe sa Commission on elections (Comelec) Davao ug gani aduna na silay area diin mamahimong makaduso sa ilang COC ang mga kandidato.
Una niini nagpahinumdom ang personahe sa Comelec dili nila tugtan ang mga moduso ug COC nga magsuot ug cloth face mask inay kinahanglan nga gamiton niini ang surgical mask.
Bisan nga limitado lang ang tugtan, kinahanglan pa gihapon nga ipatuman ang hugtanon nga health protocols sa buhatan.
Mihatag sab ug katin-awan ang buhatan nga bugtong mga kandidato lamang nga nagpapili sa National position ang magdala ug Negative RT-PCR test result o antigen test result ug dili na kalakip niini kadtong mokandidato sa local position.
Nanawagan sab ang ahensiya sa publiko nga mas maayong dili na lamang sab magdala ug daghanang supporters aron nga malikayan ang mass gatherings nga hugtanong gidili usab karong panahona.
