DAVAO CITY – Gibundakan og kusog nga ulan ang Dakbayan sa Davao ug ang tanang probinsya sa Davao Region kagabii. Sumala sa PAGASA.
hinungdan kini sa Inter-tropical Convergence Zone kon ITCZ, nga kasamtangang nakaapekto sa tibuok Mindanao.
Anaa usab sa light hangtod moderate, ug kasagarang heavy rains nga inubanan sa kusog nga Davao del Sur, Davao del Norte, Davao de Oro, Davao Oriental, Davao Occidental, ug sa mga kasikbit niining dapit.
Gani, gibaha ang mga kadalanan sa Dakbayan sa Davao, ilabi na sa kanunay nga baha-ong J.P. Laurel Avenue.
Gi-monitor usab sa City Disaster Risk Reduction and Management Office kon CDRRMO ang mga sapa dinhi sa Dakbayan, ug miabot sa Code Red kon Critical Level ang bahin sa Matina River nga nahimutang sa Barangay Matina Pangi, samtang anaa sa Code Orange kon Warning Level ang bahin sa nasangpit nga sapa nga nahimutang sa Barangay Matina Aplaya.
Gipanid-an usab ang mga tributary sa Bunawan River ug Lasang River gumikan sa pagsaka sa water level sa maong mga sapa. Samtang, anaa sa Safe Level ang uban pang mga sapa sa Dakbayan.
Gi-monitor usab ang mga baybayon, ug anaa lamang sa kalmado hangtod sa hinay ang mga pagbalud.
