DAVAO CITY – Gipamahayag karon sa Department of Health sa Kauluhan nga walay balaod nga nagkinahanglan sa mga nanarbaho o di kaha mga nagapangita og trabaho nga magpabakuna batok COVID-19.
Taliwala kini sa pagpagula sa lokal nga panggamhanan sa Dakbayan sa Davao og executive order nga nagamando sa tanang empleyado sa LGU, ma-job order, contract of service, plantilla, o volunteer man, nga magpabakuna batok COVID-19 hangtod Nobyembre 30 ning kasamtangang tuig.
Kung dili kini matuman sa mga empleyado, kaatubangon nila ang usa ka bulan ug usa ka adlaw hangtod unom ka bulan nga suspension, o di kaha ang non-renewal sa ilang kontrata alang sa musunod nga tuig.
Gibarugan ni Department of Health Undersecretary Maria Rosario Vergeire ang pamahayag sa buhatan nga dili kinahanglan nga pugsanon ang pagpabakuna sa mga empleyado ug job seekers gumikan kay nakabutang kini mismo sa Section 12 sa Republic Act 11525, nga nagmando sa COVID-19 Vaccination Program sa nasud
