DAVAO CITY – Gipasalig karon sa ahensiya sa Department of Health 11 (DTI 11) ngadto sa mga katawhan sa Davao region nga adunay igong supply gumikan kay napalit na kini ug gikatakda na nga i-distribute sa nagkadaiyang hospital ug Covid-19 facilities sa rehiyon.
Sumala pa kang DOH 11 official Dr. Raquel Montejo nga adunay upat ka mga oxygen suppliers sa dakbayan nga mamahimong makamugna ug tulo ka pilo sa gikinahanglan sa rehiyon.
Apan sa kasamtangan nga surge sa COVID19 cases sa Davao region, ang mga hospital wala sumala pay oxygen-generating plants o balay tambalanan nga mogamit lamang ug cylinder tanks nga adunay average daily consumption nga 2,062 tanks samtang ang mga hospitals nga adunay oxygen-generating plants ang adunay daily average consumption nga 2,718 tanks.
Nasayran kang Montejo nga adunay unom ka mga balay tambalanan dinhi rehiyon nga adunay kaugalingon nga oxygen plant.
Apan ang average production ang anaa sa 5,273 tanks matag adlaw ug maximum daily production nga 5,583.
Gawas nga gi-asikaso na ang oxygen supply, gihangyon sab karon sa DOH XI ang tanan nga mga hospitals nga i-activate ang ilang surge plan nga gi-andam ug gi-plano bisan nga wala pa kaniadto ang actual surge.
Misumite sab ang ahensiya sa ilang weekly recommendation sa regional IATF diin unod niini ang risk classification sa local government units partikular na ang period based sa 2-week growth rate.
Human ang bag-ohay nga pagsaka sa kaso dinhi sa rehiyon, nagpagula ang DOH XI ug advisory ngadto sa government hospitals nga dungagan ang ilang bed capacity sa COVID19 cases ngadto sa 50 percent samtang ang mga private hospitals ang gipahimangnoan nga dungagan ug 30 percent.
