DAVAO CITY – Gimandoan karon sa Securities and Exchange Commission (SEC) ang R.L. Aggregates ug Diversified Lending Group, Inc. nga ihunong pag-solicit ug investment gikan sa publiko pinaagi sa pagpangilad gamit ang palsipikado nga mga dokumento.
Una nini, nagpagula gilayon ug cease and desist order ang SEC batok sa kompanya gumikan kay tataw nga dili kini otorisado nga mag-solicit, motanyag, mamaligya ug securities pinaagi sa investment contracts hangtud dili ma-aprubahan ang rehistro niini sa komisyon.
Gikanayong ang mga potential investors nga mubobo ug kantidad sa P1,000 ngadto na sa P500,000 ang aduna sumala pay dividends nga mag-pay out matag ika-15th ug 30th matag bulan.
Tungod niini ang mga investor nga adunay capital nga P1,000 ang mamahimong makaangkon ug P150 matag 15 days, o adunay kinatibuk-ang P1,900 human ang tulo ka bulan.
Sa mga mo-invest ug P500,000 mamahimong makadawat ug P950,000.
Hinungdan nga ang susama sumala pa nga lakang ang usa ka matang sa pagpangilad hinungdan nga gi-awhag sa ahensiya ang publiko nga likayan ang pag-invest ug dagko nga salapi o makiglambigit gilayon sa ilang buhatan sa higayon nga adunay masayran nga susamang illegal nga aktibidad.
